大家好呀,我個名叫Matty。其實我一出世條命已經唔多好,2個月大已經患有貓感冒同右眼有嚴重結膜炎,好彩有途人將我交畀愛協督察,我先有機會喺愛協接受手術。可能身體上受咗唔少苦,我以前啲脾氣真係唔多好,有人想摸我,我會發惡鬧人,後來愛協客戶服務部同事日日喺辦公室貼身照顧我,等我多啲同人接觸,唔洗困喺貓舍,我就開始對人有番多啲信心。而家剪甲洗眼仔我都OK喇,仲叻仔到做埋客戶服務部經理㖭。我知我唔夠其他貓貓靚仔,但我都好想要一個家,提早過一下退休生活(其實我得1歲)。有興趣包養我可以打去領養部2232 5529了解更多!
|